Da Pfannarutscha vun Linkene

Mutter, back Kiechlen, s’isch Fasenacht
Woisch, so guude wie d’friia imma hasch gmacht
Mit Mehl, Oier, Zucker un Fett
Dann d’ Ärmel nuffgstülpt, soweit’s geht – get
Un den Doig an da Schissl recht gaknoddelt
Bis d’ Hen, d’ Schissl, da Schorz sen oin Model
Dann bleibt er warm stehe, mit am Diichl druf
Bis er ganga isch bis an da Schisslrand nuff.

Dann werd s’Wirkbord mit Mehl vastroit
S’ werra Karo gschnidda, s’ isch a Froid
S’ Fett uff am Herd muss krache so hoiß
Dann komma die Karo nei in die Boiz
S’ strudelt un brozelt un s’ Eel laafd gern iwwa
Deshalb wird d’ Pfann gschoowe riwwa un niwwa.

Die erschde braune Kiechlen komma raus
An Buggl hiwwa un driwwa – o Graus
An da Zucker nei un rumgadreht
Un dann in an Seiher, wu newe dra schteht
So geht des weida Schdick for Schdick
Bis des Eel vabraucht bal isch.

For da letscht Doig will s’ Fett nimme langa
- wege dem bissl wird nimme angfanga –
d’ Mutter drickt mit am Daum des Karo flach
so hat se’s an jedere Fasanacht gmacht
sie legt’s an d’ Pfann, jagt’s rum wie an Kutscher
un da Schluss isch da „Linkemer Pfannarutscha“.